Onderstaande tekst is niet 100% betrouwbaar

behalden is as irgent, dae ir dat in uire kameren waele vynden sult as ir weder by ons koempt. Ouch lieve gemynde son so en was uch egeyne noyt dat ir uns alsus oever unse muren untvallen ind buyssen unsen wist ind willen untreden syt ind uch ouch egeyn armoede dat yn gedrungen en hait off ir selver gewoult hedt, want wir selver waele bewysen ind bybrengen willen dat wir uch bynnen diesme jaere uysser unser hant me dan Vllc gulden gegeven hain buyssen alle andere have ind cleydunge die wir uch an uch gelacht ind gegeven haven, daromb moecht ir noede oever uns clagen want alle goede lude wale wissen ind vernemen sullen wie vol wir uch in allen sachen gedaen ind geboeden hain, lieve ind gemynde son unse herre Got sy ummerme mit uch. Datum Casteren etc.

No. 80. 20 Augustus 1391.

Fol. 47. An myne lieve vrouwe ind moedergin, die

hertzoginne van Guilge ind van Gelre.

Vruntliche lieffliche groisse ind wat wir lieffs ind guytz vermogen altzyt vurscreven lieve vrouwe ind moedergin, C wir wale verstanden hain wie ir uns geschreven hait so wie ir uns bynnen eynne jaere me dan VIIC gulden gegeven hait. Lieve vrouwe begeren wir uch zu wissen dat wir der rechentschaff gerne volgen. Lieve vrouwe vurscreven so wist ir ouch wael dat ir Xc francken upgehaven hait an unsme lieven herren dem konynge van Franckrich van unsen manleen ind bidden uch liefflichen dat ir uns dat gebrech van der vurscreven summen geltz senden wilt want wir des nu zer zyt wale behoeven. Vort lieve vrouwe vurscreven hain wir wale verstanden so wye wir uch dae mede missdoen dat wir oever ure muren geklommen syn. Lieve vrouwe begeren wir uch zu wissen dat ure poertzen uns beslossen waeren des wir ungewoene plaegen zu syn

Sluiten