Onderstaande tekst is niet 100% betrouwbaar

vrouwe vurscreven ind ure vrunt bescheydelichen ind moegelichen soelen duncken na uirme lantrechte. Alreliefste gemynde herre ind vader ure genaiden gelieve zu wissen dat mir de dach den ir mir geschreven hait yetzwat zo lanck is, naedem ich nyet en hoiren dat ich up leven moige, die tzyt ich en moeste andere sachen anvangen ind darom weuld ich gerne ure genaiden vlelich bidden dat ir mir den dach kurten weuldt. Vort lieve herre vurscreven egeyns lantreichts en gesynnen ich anders nyet dan ure genaiden mir lange tzyt wale zugesacht haint as vil dae ich upleven moechte. Ind begeren ure genedige antwerde, unse herre Got gespaere uch lange tzyt gesont. Gegeven in Benroide under mynre segele des anderen daigs nae sunt Cornelis dach, spede in den avont.

Reynolt, ure son.

No. 86. 15 September 1391.

Vervolg Myne lieffliche groisse ind wat ich eren ind guytz vermach Fol. 47. al tzyt vurscreven alreliefste gemynde vrouwe ind moeder waromb ich uch noch vlysslichen bidden dat ir mynen alreliefsten gemynden herren ind vader wilt underwysen J dat he mir doch doen wille as he mir lange tzyt zu gesacht hait, want ich anders nyet en begeren dan as veyl dae ich up leven moege. Vort lieve vrouwe vurscreven uren brieff ir mir lestwerff sandt besegeit mit uirme groissen segele, des ich uch eyne copie beschreven sende darup ich uch eynen antwerde geschreven hadde, also hain ich verstanden in myns lieven herren brieven dat ir van den brieven nyet en wist ind die schryver dat versuympt have, waromb ich uch liefflichen bidden dat ir dat vur egeyn arch nemen en wilt want ich dat ayn argelist gedaen haven also ir ouch in der copien proeven moecht. Unse herre Got gespaere uch lange tzyt gesunt. Gegeven zu Benroid

Sluiten