Onderstaande tekst is niet 100% betrouwbaar

genoegen wille want uns dat sicher dunck guet gedain syn. Ind wat uch des genoecht des begeren wir ure antwerde mit diesme boiden. Onse here Got sy mit uch ommerme. Gegeven zu Duren des Saterstaiche nae Luce ewangeliste under unser segelen Wilhem van Muysbach ind Wilhems van Syntzich.

Wilhem van Muysbach, Johan van Kyntzwylre, Wilhem van Syntzich der alde ind Wilhem van Syntzich, syn sun, rittere.

No. 109. 23 October 1392.

Reynoult, sun zu Guilge.

Myne vruntliche groysse unser guede vrunde, also ir mir geschriven hait hain ich waile verstanden ind layssen uch darup wissen dat ich des daichs nyet geleysten en kan also ir mir geschreven ind getziegent hait umb unieeden wille ind ich ouch anders nyet dae ynne geproeven noch vynden en kan dat eyn vertzoch ind trockincge bis myn lieve gemynde broider zu Pruysse wart sy, updat myn lieve here ind vrouwe myn vader ind moider sich dan untschuldigen moegen mit myme lieven broidere vurscreven. Ind myn lieve broider vurscreven die untschuldiget sich mit mynen lieven heren ind vrouwen mynen vaider ind moider vurscreven ind meyndt wilche tzyt sy woulden, so woulde he gerne up daige komen ind doin wat hee billich doin soulde ind alsus wirt vertzoegen ind verteeket as lange bis mirt zu lanck wirt dat ichs nyet langer alsus verhalden en kan noch en mach ind bidden uch dat ir dit vur egeyn oevel upnemen en wilt want ichs sicher nyet gedain en kan. Unse here Got bewaere uch. Gegeven und myme siegel up sent Severyns dach des heilgen busschoffs.

Sluiten