Onderstaande tekst is niet 100% betrouwbaar

No. 116. 4 September 1393.

Fol. 57v. Copie des brieffs, den myn herre van Gelre

myme genedigen herren ind vrouwen van Guilge ind van Gelre santé doe sy yme darumb geschreven hadden, as van der soenen tusschen myme herren van Gelre ind dem busschoffe van Colne, up die zyt dae myn herre van Gelre in dat busschdum getrecht solde syn.

Lieve gemynde herre ende vrouwe, op uwen brieff ons nu gesant ynhaldende dat die riddere ende knechte des gestichts van Colen u hertliken gedreiget hebben uwe vyande te werden ombdat wy des bisscops vyant weren worden, begeren wy uwer lieffden te weten dat wy nu mit den bisscop gesoent syn ende hebben u lieve here ende vrouwe wal daryn bedacht dat u die bisscop noch die riddere ende knechte dairomme gheen argh toekeren en sullen. Vort gemynde here ende vrouwe sal ons die bisscop in der dedinge geven XXII" swair gulden ende heft vort syne onscolt gedaen van suiker dedinge ende waerde als hi op ons gesacht solde hebben dat hi ende die syn des raeds ende daeds onsculdich synt. Vort gemynde here ende vrouwe sal all de dinge tusschen u ende den bisschop voirgenoemt staen blyven also lange als ghi leven sult, dairynne u onse here Got gespair tot seligen ende langen tyden mit gesontheit. Oick gemynde here ende vrouwe heft ons groete onlede gedaen dat wy u hieraff niet eer en hebben doen scryven ende bidden u dat ghi dat int goit nemen wilt. End vermochten wy yet dat ghi wolt dairtoe wilt ons altyt bereet weten als dat wale billich is. Onse here Got bewaere u lieve here ende vrouwe selich ende gesont tot langen tiden. Gegeven tot Nymegen des Goedestaiges na Egidy, onder segel onss lieven neven ende raets

Sluiten