Onderstaande tekst is niet 100% betrouwbaar

24. Soo hem ha kom voor ookal die ha ka krieg een Pond, en ha seg: Heere, mie ha weet, dat ju bin een hard Man, ju maej, waer ju no ka saej, en bring na Hoop, waer ju no ka strooj.

25. En mie ha bang, en ha loop heen, en ha verberg ju Pond na binne die Aerde; kik, daer ju hab, wat bin van ju.

26. Maer sie Heer ha antwoordt, en ha seg na hem: ja qwaeje en looje Knegt! ju ka weet, dat mie maej, waer mie no ka saej, en bring na Hoop, daer mie no ka strooj:

27. Daerom die ha behoor ju, for giev mie Geld na die Wisselars; en als mie ha ka kom, mie sal ka neem mie gut mit Winst.

28. Daerom, neem van hem die Pond, en giev die nahem, die hab die tien Pond.

29. Want die hab, sellie sal giev na hem, en hem sal hab over mussie; maer wie no hab, sellie sal neem die wej van hem ookal, wat hem hab.

30. En gooj die onnyl Knegt yt na die yterste Dysternis; daer sal wees Hyelen en Kneersing van Tanden.

31. III.) Maer als die Mens sie Soon sal kom na binne sie Heerligheid, en almael die heilig Englen mit hem, dan hem sal sit na die Stul van sie Heerligheid. j

32. En almael Volk sal vergaeder voor hem, en hem sal skej sender van malkander, glik als een Herder skej die Skaepen van die Bokken.

33. En hem sal set die Skaepen na sie regter Hand, en die Bokken na sie stinker Hand.

34. Dan die Kooning sal seg na sender na sie regter Hand: kom hiesoo jellie gesegende van mie Vaeder! erv die Rik, die ka berej voor jender van die Begin van die Weereld.

35. Want mie ka wees hongrig, en jellie ka giev miejeet; mie ka wees dorstig, en jellie ka giev mie for drink; mie ka wees een Gast, en jellie ka herbergeer mie.

36. Mie ka wees naekt, en jellie ka kleedt mie; mie ka wees siek, en jellie ka besuek mie; mie ka wees gevangen, en jellie ka kom na mie.

37. Dan die Regtveerdigen sal antwoordt hem en seg: Heere! wattit ons ka kik ju hongrig, en ka giev ju jeet?of dorstig, en ka giev ju for drink'?

38. Maer wattit ons ka kik ju een Gast, en ka herbergeer ju? of naeken, en ka kleedt ju?

39. Of wanneer ons ka kik ju siek, of gevangen, en ka kom na ju?

40. En die Kooning sal antwoordt, en sal seg na sender: waerwaer mie seg na jender:

Sluiten