Onderstaande tekst is niet 100% betrouwbaar

contens qu'elle n'eust point de lieu en 1'Eglise: lors ilz auroyent occasion de murmurer contre nous. Mais quant a cela, nous sommes de bon accord. Voicy oü est tout le debat : que eux pensent, que par tout oü ceste police n'est pas en son estat, ou bien qu'elle n'est pas deuement exercée, la il n'y a nulle Eglise, et qu'il n'est pas licite a un homme Chrestien d'y recevoir la Cene. Pourtant ilz se separent des Eglises, ausquelles la doctrine de Dieu est purement preschée, prenans ceste couleur, qu'ilz ne veulent point estre participans de la pollution qui s'y sommet: entant qu'on n'en bannit pas ceux qui 1'ont merité. Nous au contraire, confessons bien, que c'est une imperfection et mauvaise tache en une Eglise, quand eest ordre n'y est point. Toutesfoys nous ne laissons pas de la tenir pour Eglise, et de persister en la communion d'icelle : et tenons qu'il n'est loisible a un homme particulier de s'en separer«.')

') Calv. "pp- VII, p. 65.

Sluiten