Onderstaande tekst is niet 100% betrouwbaar

Op den troost van onser vrouwen Latic u hier in goeder trouwen; En hadde si mi niet verbeden,

Ic en hadde u niet begheven 30 Om al tgoet dat Rome heeft binnen."

Hoert wes si sal beghinncn.

Nu gaet si met groten weeno Ten doester waert moeder eene.

Doen Bi quam in den vergiere 35 Vant si die dore ontsloten sciere. Si ghinker in sonder wanc:

.Maria, vrouwe, hebbes danc,

Ic ben comen binnen mure,

God gheve mi goede aventuro." 40 Waer si quam vont si die dore Al wide open jeghen hore:

In die kerke si doe trac,

Heymelike si doe sprac:

«God, here, ic bidde u met vlite, 45 Hulpt mi weder in minen abite, Dat ic over . XIIII. jaer Liet ligghen op onser vrouwen outaer, Snachs doen ic danen sciet!"

Dit en es ghelogen niet,

50 Ic segt u sonder ghile,

Scone, covele ende wile Vant si ter selver stede weder,

Daer sijt hadde gheleit neder.

Si traect an haestelike 55 Ende seide: «God van hemelrike,

Ende Maria, maghet fijn,

Ghebenedijt moetti sijn;

Die slotele vander sacristien 60 Sach si hanghen, in ware dinc, Vor Marien, daer sise hinc.

Die slotele hinc si aen hare Ende ghinc ten core, daer si clare Lampten sach herren in allen hoeken. 65 Daer na ghino si ter boeken Ende leide elc op sine stede,

Alsi dicke te voren dede;

Ende si bat der maghet Marien

Sluiten