Onderstaande tekst is niet 100% betrouwbaar

gen Geistes: Sal jdt yn synen namen gescheen, so moethen se ock yn synen namen kamen, vnde nicht in eren egen namen, Joan. v. Vnde moeten yn synen beuel leren vnde doepen, so ydt sal gescheen in synen namen. Dar se belden vnde Kloeken doepen, so wert ock de name genoeinet. Ydt gescheet nochtans nit yn synen namen, sunder tegen synen na-//men. Ydt gescheen ock by na, alle besweringe mit solcken worden, yn den namen des Yaders vnde des Soens, vnde des hilgen Geistes, offte in den namen Jhesu. Als ock Act. xix. geschach. Wanner ock ein Dodtsleger vploept'), vmme einen dodt tho slaen, so secht he somwilen in syner vorbolgenheit, in den namen Gades, ydt is nochtans in den namen des duuels, vnde tegen den namen Gades. Also mochtemen ock vele leuer seggen, yn der vngeloeuigen Doepe. Jck doepe dy tegen den namen des Vaders, vnde des Sons, vnde des hilgen Geistes, dan in den namen etc. Dewile ydt nicht gescheet yn Gades namen. Ynd yn solcker Doepe, werden de sünden ock nicht affgewasschen, wenthe de gedoepet wert, anroept nicht den namen des Heren Actu. xxij. De auerst den namen des Heren anroept, de wasschet aff de sunde nicht mit syn wasschen offte wasschen laten, sunder mit anropinge des Heren namen. Orsake, der Here vorhoert syn gebedt, vnde gifft em dat reine water. Ezech. xxxvj. Joel ij. Joan. vij. Godt reinicht der Heiden herte dorch den gelouen Actu. xv. Dussen is trost vnde salicheit belauet, als geschreuen is Joel ij. Bom. x. De den namen des Heren anroept, sal salich syn, De anroept, steith dar, nicht vor welcken angeropen wert, wowal wy // ock vor malkanderen sollen bidden Jacobi v. Auerst de suluen nicht bidt, de hefft de beloefften nicht. Van dit anropen secht Paulus wyder. Wo sollen se anropen (em) de se nicht geloefft hebben etc. Vnde wo sollen se em geloeuen, den se nicht gehoert hebben? etc. Rom. x. Dusse geloeuigen anroepers hebben ock beloefften in erer Doepe, als geschreuen is. De geloeuet vnde wert gedoepet, de sal salich syn. Mar. xvj. De auerst nicht geloeuet, de sal mit syner Doepe nicht salich syn, al were he schoene dusentmael gedoepet, vnde al weren der dusent, de den namen des Heren vor em anrepen Jere. vij. xiiij. xv. j. Joan. v. Jck segge, de nicht geloeuet, so he anders jnt vngeloue blifft. Wente also steit dar vor by Mar. xvj. De nicht geloefft, de is vordoemt.

Abel.

Hyrvth wolde volgen, dat alle Kinder vordoemt weren, dewile gy de kinder nicht doepen willen, vmme des willen dat se nicht geloeuen, vnde sal ydt so na malkanderen volgen, als ydt na mal-

Jiij" J iiij'

1) Zich opmaakt.

Sluiten