Onderstaande tekst is niet 100% betrouwbaar

Geloeft doch Paulo. He secht dar sy geen ander Godt dann ein, vnnde secht mit namen darby, de Vader sy desulue eine Godt. Hyrummo geloeft Gade, geloefft Moseh vnde den Propheten, geloefft Christo Jesu vnde den Apostolen, De betügen alle, dar sy geen ander Godt gen melir, geen Godt mehr, ys so menichmal gesecht. Wo sal dann ein ander, ware Godt, genoempt werden, anders dann dese? Offte, wo sal dat Wort Godt yummermer ynn der Schrifft genoempt werden, dar de Vader nicht mede solde gemeint syn, so verre, als van den waren Godt gespraken wert? De Vader ys yo dutlyke genoch mit namen genoemt, ynsonderheit Joann. xvij. j. Corinth. viij. Vnnde dar stat by, Geen ander, Geen ander, Gehen mehr, allene: ') dat geit mer dann oft dar slicht vth stunde, Eiu. Wolden gy nu Paulo (vnde dergeliken) geloeuen, dat geen ander Got ys dann de ein mit namen genoemt, de Vader, so kan ick yuw aueruloedich bewysen, dat Christus, // (angaende syn Persoenlike wesent) ys eine ander dan de Vader.

Thon Ersten bewysen alle beloeften Gades, darin Godt, Christum l) belaeft hefft: wente de belaeft wert ys eiu ander dann de, de em belaeft.

Wyder.

Matthei x. den wil ick bekennen vor mynen Vader.

De Sone ys jo suluen nicht syn Vader, Darümme ys altyt de Sone ein ander dan syn Vader.

Matthei x De wil ick loechen vor mynen Vader. Jck danckc dy Vader Matthei xj. Luce x.

Ja Vader, so ys de gude wille by dy, Mat. xj. Luc. x.

Nemant hefft den Sone gekent dau de Vader Mat. xj. Lu. x.

Noch den Vader hefft nemant gekent dan de Sone. Mat. xj. Luc. x.

Alle plantinge de myn vader nicht geplantet hefft, sal vthgeradet werdenn Matthei xv.

Wente Flesch vnnde Blodt hefft dy dat nicht geapenbaert, sonder myn Vader de yn denn Ilemmelen ys, Matthei xvj.

Jdt ys anstaende, dat de Sone des Menschen wert kamen yn de her-//licheit syns Vaders Matthei. xvj.

Eer Engelen seen altyt dat angesichte myns Vaders Mat. xvijj.

Dat wert em gescheen van mynem Vader Mat. xviij.

Also wert myn Hemmelsche Vader yuw don Mat. xviij.

Den ydt bereit ys van mynen Vader Mat. xx.

Van denn dagen vnnde van de vhre wet nemant, ock nicht de Engelen yn dein Hemmel, sonder allene myn Vader Matthei xxiiij.

Kompt gy gesegenden mynes Vaders Matthei xxv.

[Z viij v] Aaj r

1) Er staat in het origineel: „allene dat". 2) Aid.: „Christu".

Sluiten