Tekst
Onderstaande tekst is niet 100% betrouwbaar

dou laggen ze der in 'n roege wereld aan de Veendiekster weg, doar nooit gain staarveling hin kwam.

Dou is 't gebeurd dat de Duvel twij klókken stolen het. Hai ligt aaltied op loer, om klókken te stelen. Nou haar e twij touglieks te pakken, en dat was veur de olie Knecht swoar genog, dou e der mit deur locht vloog.

Doarom zöchte noa 'n stee, doar e ze zo goud wegstoppen kon, dat gain minsk ze ooit weervinden zol. Gain beter plek as doar in dij ainzoame wereld. Dou het e in ieder van dij kólken ain van zien klókken smeten.

As e pelzaaier haar, din ludde ze onder wotter, en din was 't boven net öf 't rommelde. Zo is de noam van Rommelskerken in de wereld komen. Mor 't rommeln is doan; Duvel het tegensworeg wel wat aans te doun.

(Zie ook D. B. VI, 78.)

XVI. SCHATTEN

DE SCHAT VAN SELWERD

Zes peerden kinnen hom nait trekken, mor gain minsk wait woar dat e zit. 't Mout in de buurt van 't öl klooster van Selwerd wezen, 'n Aarbaider dij aan 't groaven was, stötte mit zien schowel op 'n kowiepöt, dij in de grond zat. Doar zat 'n leren braif in, en doar ston 't ales dudelk op te lezen. De ploats, doar ze de schat verstópt haren, dij ston der sekuur op, en hou swoar dat e was ook. Hai zat in 'n iesdern kist, midden in de zuderven.

't Ainegste dat ze nou nog nait waiten, dat is woardat dij zuderven ligt. De Vlinteven dij is ter wel, en aans is ter gain ven. Doar kon de schat ook best in begroaven wezen, omdat ter twij bulten in

Sluiten