Onderstaande tekst is niet 100% betrouwbaar

selven: myn heilige lichaem sal ic u geven ende myn heilige bloet sal ic u scincken; eet ende drinckt ende woert droncken myn alre liefste! Neycht dan u oren ende hoert my ende ontfanct myl

16. Vergeet dyn volck ende dat huys uwes vaders. Vergeet die werlt, laet al dat inder werlt is. Laet u olde sundige leven ende hanct an my.

17. Set u hap, u gelove, troest ende mynne in my; ende dan sal ic, u here, u god ende u brudegom u schoen* heit begeren, ende verenigen u met my.

18. Hoert die stemme dyns heren, huden, nyet mor* gen, ende en wilt u herte niet verstenen.

19. Hoert uwen verlosser, die tot hem selven u om hem ewelic te gebruken gemaect heeft, die u daer om soe duer gecoft heeft, op dat hy u als syn eygen besitten wolde.

20. Coemt ic sal u my selven geven tot eenre spisen ende tot een ewich loen.

De ziel antwoordt:

1. O christe, ewige waerheit, dese voer gesproken woerden synt dyn woerden, al ist sake dat sie op een tyt niet gesproken en synt noch in een stede gescreven en synt.

2. Want sy dan dyn synt ende waerachtich synt, soe ist noet dat sy danckelic ende trouwelic van my ontfangen werden.

3. Het synt dyn woerden ende du hevestese utge* sproken. Ende sy hoeren my toe wantse gesproken synt voer myn salicheit.

4. Geerne ontfange icse wt dynen monde, op dat si in eniger wys mynre herten ingesaeyt werden.

Sluiten