Onderstaande tekst is niet 100% betrouwbaar

vurscreven ende sijne erven ende alle dieghene die gi dair voir manen moighe, van den vurscreven renthen ende jairgulden ende van allen achterstedigen renthen die u dair af geboeren moigen, los, ledich ende quyt, des en lait nyet. Gegeven anno ut supra die Cuniberti.

Hertoge van Gelre ende greve van Zutphen.

Wij laten u weten heren Arndt van Hoemen, ridder, dat gi yn behuyf Sanders van Redinchem ende synren erven voir onse richteren ende scepenen ende gerichtslude dair thoe behorende verthiet up alle alsulke erven, liusinge ende goide, tsy bynnen of buten onser stat van Nymegen ende sunderlinge in onsen kirspel van Wamel gelegen, mit allen hoeren richten ende thoebehoeren, als gi te hebben plaget ende die Sanders vurscreven plagen te wesen, des en lait nyet. Datum anno et die quibus supra.

Wij Willem etc. doin kont etc. ende bekennen dat heren Willem van Drueten, ridder, onse amptman tusschen Mase ende Wale mit sijnen toebehoeren ende van allen upboeren ende uitgeven als van desselve amptswegen, van allen voirgeledencn tiden thent up hude desen dach datum sbriefs, voir ons, onsen raide ende scepenen van onsen vier steden hir beneden gescreven ons goide bescheidene bewisinge ende rekeninge gedain heeft, also dat ons des wale genoicht ende wij hem des bedancken. Ende bekennen dat wij heren Willem vurscreven ende sijnen erven van der vurscreven rekeningen sculdich blive ende sijn van gerechten scholt IIIMVIICLII goide alde guldene scilden etc., wair voir wij heren Willem vurscreven ende sijnen erven voirt bevalen hebben onse ampt tusschen Maze ende Wale vurscreven, na yngehalt der brieven die wij hem dair up gegeven hebben up dage datum des briefs. Alle argelist etc. In getuich etc.

Sluiten